इटहरी/ सुनसरीको इटहरीस्थित पाथिभरा माध्यामिक बिद्यालयमा लागुऔषध बिरुद्दको सचेतना कक्षा चलाईएको छ। स्कुलले कक्षा ८, ९ र १०कक्षामा अध्ययनरत बिद्यार्थीका लागि सचेतना कक्षा चलाएको हो।
धरान ६ स्थित आसरा सुधार केन्द्रको सहकार्यमा कार्यक्रम गरिएको स्कुलले जनाएको छ। सचेतना कार्यक्रममा लागुऔषधको सेवनले सामाजिक तथा व्यवहारिक सँगै स्वास्थ्यमा पर्ने नकारात्मक असर र ऐन कानुनबारे जानकारी गराएको आसरा सुधार केन्द्रका काउन्सिलर टिकाराम सिग्देलले जानकारी दिनुभयो।
सचेतना कार्यक्रममा लागूपदार्थ के हो ? यसले मानव स्वास्थ्यसँगै सामाजिक, पारिवारिक, भौतिक, र आर्थिक सँगै आफूलाई पनि कसरी नकारात्मक बनाउँछ ? भन्ने बिषयमा जानकारी गराईएको थियो।
काउन्सिलर सिग्देलले लागुपदार्थको सेवनका कारण स्वास्थ्य खराब हुनुका साथै यसको सेवनले ज्यान पनि जाने बताउनुभएको थियो।
कार्यक्रममा आसरा सुधार केन्द्रका प्रहरी निरीक्षक जस बहादुर लिम्बु, स्कुलका प्रिन्सिपल गोपाल श्रेष्ठलगायत शिक्षक अनि कर्मचारीको उपस्थिति थियो।
