बराहक्षेत्र नगरपालिकाको वडा नम्बर ६ र ९ का केही भूभाग कोशीपारी श्रीलंका टापुमा समेत पर्दछ । जुन ठाँउलाई सुगम सुनसरीको दुर्गम गाउँका रुपमा हेर्ने गरिन्छ । शैक्षिकसत्र २०८० सम्म त्यहाँका विद्यार्थीहरु कक्षा-९ र १० पढ्न रामपूर, भागलपुर, चक्रघट्टी लगायतका ठाँउमा जानू पर्ने बाध्यता थियो । धेरै पहल गर्दा समेत उक्त ठाँउमा मा.बि. विद्यालय बन्न सकेन । जब बराहक्षेत्र नगरपालिकामा नेपाली काङ्ग्रेसका युवा नेता रमेश कार्की मेयर भए तब उनले चुनाव ताका बोलेको वचन पूरा गरि स्थानीय जनता आधारभूत विद्यालयको स्तरउन्नति गरि मा.बि. बनाएका छन् ।
यसै शैक्षिकसत्र २०८१ देखि जनता मा.बि.मा कक्षा-९ को पढाई सुचारु भएकोमा स्थानीयहरु निकै नै हर्षित भएका छन् । मा.बि. भए संगै विद्यालयमा नयाँ युवा प्र.अ. रामकुमार मण्डल नियुक्त भएका छन् । साथै अन्य दरबन्दीहरु समेत थप भएका छन् । युवा प्र.अ. आए संगै विद्यालयले चौतर्फीरुपमा मुहार फेर्दै आएको स्थानीयहरु बताउँछन् । एउटा सानो कम्प्युटर सम्बन्धि काम पर्दा पनि चक्रघट्टी नै पुग्नु पर्ने समस्याको समाधान भएको, भएका कम्प्युटरहरुको समेत मर्मत भएको शिक्षकहरु बताउँछन् । युवा प्र.अ. आए संगै विद्यालय पहिले भन्दा सिस्टममा चलेको स्थानीयहरुले बताएका छन् ।
प्र.अ. भन्छन् "विद्यालयमा बि.ब्य.स.ले राम्रो साथ सहयोग गरेको छ , अध्यक्ष ज्यू पनि युवा हुनु भएको हुँदा विद्यालयको बिकास सम्भव भएको छ ।, नगरपालिकाले पनि विद्यालयलाई प्राथमिकतामा राखी हेर्ने गरेको छ, मेयर ज्यूले पनि विद्यालयको बारेमा धेरै चिन्ता लिने गर्नु भएको छ । भर्खरै अनुगमनमा मेयर आउनु भएको थियो, कुनै पनि कक्षा कोठामा पंखा थिएन, अनुगमन गरेको भोलिपल्ट नै सबै कक्षा कोठामा पंखा पुग्ने गरि नगरबाट पठाइदिनु भएको छ र जडान पनि गरिसकेको छु ।, कक्षा-९ सुचारु भए पछि डेस्क बेन्चको समेत अभाव भएको थियो त्यो पनि भन्ने बित्तिकै मेयर ज्यूले पूरा गरिदिनु भएको थियो ।"
अब आगामी वर्ष कक्षा १० चलाउन कोठाको अभाव भएको हुँदा यसको लागि पनि भवनको पहल गर्न लागि परिरहेको प्र.अ. रामकुमार मण्डल बताउँछन् । पहिले भन्दा नयाँ प्र.अ. आए संगै विद्यालयमा आकाश जमिनको फरक आएको र विद्यालयमा धेरै नै सुधार भएको शिक्षकहरुले बताएका छन् ।
