इटहरी / इटहरीको बजार अनुगमनमा लेवल नराखी बेकरी जन्य सामाग्रीहरु उत्पादन गर्ने गरेकाे भेटिएकाे छ ।
लेवल नराखी वेकरी जन्य सामाग्री उत्पादन गर्ने एक उद्याेगमा उपमहानगरले ताला लगाएको छ ।
आज(सोमबार) इटहरी उपमहानगरपालिकाले बजार अनुगमनका क्रममा वेकरी उद्याेगहरुमा अनुगमन गरेको थियो ।
अनुगमनका क्रममा लेवल नगरीएका अब्यबस्थित ढङ्गले बिक्रीका लागि राखिएको पाउराेटी भेटिएकाे थियाे । इटहरी ६ मा रहेकाे न्यु माेर्डन पाउराेटी उद्याेगले विना लेवल बेकरी सामाग्रीहरु विक्री गरेकाे भेटिएपछि उपमहानगरले सो पसलमा ताला लगाई दिएको छ ।
न्यु माेर्डन पाउरोटी उद्याेग इटहरी ६ ,ओम श्री गुरु पाउराेटी उद्याेग इटहरी ६ , विष्णु पाउराेटी उद्याेग इटहरी ९ , मयुक बेकरी एण्ड केक सप इटहरी ९ , शुशिला किराना पसल इटहरी ९ र सुरेन्द्र मार्केटिङ्ग इटहरी ६ गरि ६ वटा बेकरी उद्याेगहरुमा अनुगमन गरेकाे थियाे ।
अनुगमनकाे क्रममा १ वटा उद्याेगमा ताला लगाईएकाे र ४ वटा उद्याेगहरुलाई कागज पत्र सहित उपस्थित हुन निर्देशन दिइएकाे इटहरी उपमहानगरपालीका सुचना अधिकृत ओसन चाैधरीले बताए ।
बजार अनुगमनका क्रममा भेटीएका ५० थान वेकरीहरु नष्ट गरीएकाे अधिकृत चाैधरीले जानकारी दिए।
