सुनसरी / प्राचिन हरिद्धार चतरामा लाग्ने महाकुम्भ महोत्सवको अवसर पारेर जगदगुरु श्रीरामानन्दचार्य सेवा पिठ चतराधाममा आयोजना गरिने संकटमोचन श्रीहनुमद् महायज्ञ लगायतको तयारी अन्तिम चरणमा पुगेको छ ।
चैत्र २७ गतेबाट सुरु हुने कुम्भ मेलाका अवसरमा जगदगुरु श्रीरामानन्दचार्य सेवा पिठ चतराधाममा पनि सोही दिन देखि आगामी बैशाख २७ गते एक महिना सम्म विभिन्न धार्मिक कार्यक्रम आयोजना गरिने भएको छ । २७ गते देखि आगामी बैशाख २८ गते सम्म ऐतिहासिक ,पवित्र धार्मिक क्षेत्र प्राचिन हरिद्धारमा पुर्ण महाकुम्भ मेला आयोजना हुदैछ ।
हरेक १२ वर्षमा सुनसरीको चतरामा लाग्ने महाकुम्म मेला सफल वनाउन आवश्यक भौतिक पुर्वाधार लगायतको तयारी अन्तिम चरणमा पुगेको हो ।
कुम्भ मेलाको समयमा नजिकीसँगै जगदगुरु श्रीरामानन्दचार्य सेवा पिठ चतराधाममा आयोजना गरिने संकटमोचन श्रीहनुमद् महायज्ञ लगायतको तयारी अन्तिम चरणमा पुगेको हो । जगदगुरु श्रीरामानन्दचार्य सेवा पिठ चतराधाममा रहेको हनुमान मन्दिर प्राङगणमा आयोजना गरिने संकटमोचन श्रीमनुमद् महायज्ञ लगायतका धार्मिक कार्यक्रमको तयारी अन्तिम चरणमा पुगेको पिठमा उपाध्यक्ष गोविन्दबाबु तिवारीले जानकारी गराए ।
उनले एघार दिवसीय हनुमद् महायज्ञ , श्रीरामकथा ,बागेश्वरधाम सरकारले श्रीराम मन्दिरको शिलान्यास गर्ने लगायतका कार्यक्रमहरु आयोजना गरिने समेत वताए । सिद्धबाबाको सत्संकल्प अनुसार सञ्चालन गरिने श्रीहनुमद् महायज्ञका लागि हवन मण्डप , हवन कुण्ड ,आवास व्यवस्थापन , भोजनालय एवं धिरेन्द्रकृष्ण शास्त्री बागेश्वर धाम सरकारको कथा प्रवचनका लागि पण्डालको व्यवस्थापन , खाना व्यवस्थापन , शौचालय , व्यवस्थापन गर्ने अन्तिम चरणमा पुगेको जनाइएको छ ।
चैत्र शुक्लप्रतिपदा देखि लाग्ने महाकुम्म मेलालाई लक्षित गरी भक्तजनहरुको सहजताका लागि बाटो, आवास , भण्डारा, खानेपानी , शौचालय देखि लिएर पुर्जाअर्चनाका लागि आवश्यक तयारी अन्तिम चरणमा पुगेको जगतगुरु पिठ चतराका सचिव उद्धव घिमीरे जानकारी दिए ।
कुम्भ मेलाका लागि तयारी अन्तिम चरणमा पुगेको र उद्घाटनको तयारीमा रहेको वताउदै सचिव घिमीरेले देश विदेश देखि पनि ठुलो संख्यामा कुम्भ मेलामा भक्तजनहरुको सहभागिता हुने अपेक्षा गरिएको वताए ।
महाकुम्भ मेलालाई सफल वनाउन तीनै तहका सरकारले समेत सहयोग पुर्याईरहको छ । नेपालका प्रथम जगतगुरु वालसन्तको परिकल्पनामा वि.सं. २०५९ साल देखि नेपालमा कुम्भ मेला आयोजना गरिदै आएको छ। हरेक १२ वर्षमा पुर्ण महाकुम्भ र हरेक ६ वर्षमा अर्ध कुम्भ मेला प्राचिन हरिद्धार चतरामा आयोजना गरिदै आएको छ ।
