काठमाडौं । भक्तपुरको पलासेमा १७ वर्षीया किशोरी बलात्कृत भएकी छिन् । किशोरीलाई बलात्कार गरेको आरोपमा काठमाडौं नरेफाट बस्ने इलामको इलाम नगरपालिका–९ घर भएका ५२ वर्षीय सूर्यबहादुर भण्डारीलाई सोमबार साँझ प्रहरीले पक्राउ गरेको छ ।
भण्डारीले ती किशोरीलाई सूर्यबिनायक नगरपालिका–९ पलासेस्थित रिसोर्टमा आइतबार दिउँसो जबरजस्ती करणी गरेको भन्ने उजुरीको आधारमा जिल्ला प्रहरी परिसर भक्तपुरबाट खटिएको प्रहरीले उनलाई पक्राउ गरेको हो ।
यस्तै, उदयपुरमा ५८ वर्षीया महिला बलात्कृत भएकी छिन् । उनमाथि बलात्कारको आरोपमा जिल्लाको कटारी नगरपालिका–१ बेलसोत बस्ने २५ वर्षीय जयबहादुर खपाङ्गी मगरलाई सोमबार दिउँसो प्रहरीले पक्राउ गरेको छ । मगरले ती महिलालाई आइतबार राति जबरजस्ती करणी गरेको भन्ने उजुरीको आधारमा ईलाका प्रहरी कार्यालय कटारीबाट खटिएको प्रहरीले उनलाई पक्राउ गरेको हो ।
