इटहरी/ सुनसरीको इटहरीमा बिहिबार गरिएको रक्तदान कार्यक्रममा ६७ प्रिन्ट रगत संकलन भएको छ। नेपाल औषधी व्यवसायी इटहरी, इटहरी आइडल ग्रुप र लायन्स क्लब अफ इटहरी मनकामनाको संयुक्त आयोजनामा रक्तदान कार्यक्रम भएको हो।
कोरोना महामारीका कारण रगतको अभाव भएको भन्दै रक्तदान कार्यक्रम गरिएको कार्यक्रम आयोजकले जनाएका छन् । कार्यक्रमको अवसरमा इटहरीका पुराना तीनजना औषधी व्यवसायीलाई सम्मान गरिएको थियो। नेपाल औषधी व्यवसायी संघ इटहरीका संयोजक सञ्जीव खड्काले गौतम मेडिकल सञ्चालक रुक्मणी गौतम, प्रतिमा प्रयोगशाला सञ्चालक शालिकराम कार्की र शुभत नारायण यादवलाई सम्मान गर्नुभएको हो।
रगतको चरम अभाव देखिएकाले अभावलाई मध्यनजर गर्दै धरानस्थित बीपी कोइराला स्वास्थ्य बिज्ञान प्रतिष्ठानसँगको सहकार्यमा रक्तदान कार्यक्रम गरिएको आइडल ग्रुपका संयोजक इन्द्र श्रेष्ठले जानकारी दिनुभयो।