सुनसरी/ नेपाली हिन्दु महिलाको चाड हरितालिका तिज नजिकिँदै गर्दा तिजका गीतहरु सार्वजनिक हुने क्रम बढेको छ। 
सोही क्रममा इटहरीमा रहेको माया घरले शुभद्रा प्याकुरेल र राधिका कार्की थापाको परिकल्पनामा ‘हाम्रो माया घर’ बोलको गीत तुलसी घिमिरे अफिसियल युट्युबाट सार्वजनिक गरिएको छ। 
म्युजिक भिडियोमा सडकमा हिड्दै गरेकी एक गर्भवती महिलालाई माया घरका सञ्चालकहरुले उद्दार गरेर लगेको र अब माया घरलाई नै माइती मानेर दुःख भुल्दै त्यही बस्न आग्रह गरिएको र माया घर अवस्थाका बारेमा देखाइएको म्युजिक भिडियोका निर्देशक तुलसी घिमिरेले बताएका छन्। 
गीत निकै मार्मिक रहेको र गितमा गंगा गौतम आचार्य, अप्सरा बिष्ट, रमेश आचार्य र सुशील भट्टराईको आवाज सुन्न सकिन्छ। गंगा र तारा भट्टराईको शब्द रहेको गीतमा तारा, राधिका दासी, रमेश आचार्य र राधिका कार्की थापाको अभिनय देख्न सकिन्छ। इटहरीमा रहेको माया घरले हालसम्म थुप्रै सडक बालबालिका, महिला, वृद्ध र मानसिक समस्या भएकालाई उद्दार गरिसकेको छ।
