कास्की / नेपाली राष्ट्रिय महिला फुटबल टिमकी स्टार स्ट्राइकर सावित्रा भण्डारी नेपालको लागि सर्वाधिक गोल गर्ने खेलाडी बनेकी छिन्।
माल्दिभ्सविरुद्धको खेलमा एक गोल गरेपछि उनले यसअघिकी कप्तान अनु लामाको गोलको कीर्तिमान तोडेकी हुन्। पोखरा रंगशालामा भएको प्रतिस्पर्धामा सावित्राले पहिलो हाफमा गोल गर्दै नेपाली महिला फुटबलमा सर्वाधिक गोल गर्ने खेलाडी बनिन्।
उनले नेपालका लागि गोल संख्या ३६ पुर्याएकी छिन्। सावित्राले अनु लामाको नाममा रहेको ३५ गोलको कीर्तिमान भंग गरेकी हुन्।
अब सावित्राको रेकर्ड तोड्न कठिन हुने देखिएको छ। दक्षिण एसियाकी गोल मेसिन मानिने सावित्राको गोलमा नै नेपालले माल्दिभ्सविरुद्ध अग्रता बनाएको थियो।
सावित्राले गरेका गोलहरु
१. साफ च्याम्पियनसिप, इस्लामावाद २०१४ : १ गोल
२. साग २०१६ : २ गोल
३. साफ च्याम्पियनसिप २०१६ : १२ गोल
४. ओलम्पिक छनोट पहिलो चरण २०१८ : १ गोल
५. हिरो गोल्डकप २०१९ : ४ गोल
६. साफ च्याम्पियनसिप २०१९ : ४ गोल
७. ओलम्पिक छनोट, दोस्राे चरण : २ गोल
८. नादेज्दा कप २०१९ : ७ गोल
९. मैत्रीपूर्ण खेल : २ गोल
१०. साग २०१९ : १ गोल (जारी) -उज्यालोबाट
