झापा । न्यायिक क्षेत्र सम्बन्धी अधिकारहरुको विषयमा छलफल गर्ने उद्देश्यले झापाको अर्जुनधारा नगरपालिकामा न्यायाधीशसँग अन्तरक्रिया कार्यक्रम शुक्रबार सम्पन्न भएको छ ।
नगरपालिकाकी उपप्रमुख एवम् न्यायिक समितिकी संयोजक खड्गमाया पराजुलीको अध्यक्षतामा आयोजित उक्त कार्यक्रमको प्रमुख अतिथि झापा जिल्ला अदालतका न्यायाधीश चन्द्रमणि ज्ञवालीले उद्घाटन गरेका थिए ।
जनप्रतिनिधि, कर्मचारी र मेलमिलापकर्ताहरुलाई लक्षित गरि सञ्चालन गरिएको कार्यक्रममा प्रमुख अतिथि ज्ञवाली र अदालतका शाखा अधिकृत नवराज पोखरेलले सहजिकरण गरेका थिए ।
कार्यक्रममा ५० जनाको सहभागिता रहेको समितिकी कर्मचारी मायाकुमारी ऐरले जानकारी दिइन् । नगर योजना शाखा प्रमुख हिमराज सेंढाईले सवागत गरेको उक्त कार्यक्रमको सञ्चालन कर्मचारी ऐरले गरेकी थिइन् ।
