इटहरी/ आवास क्षेत्रको रुपमा परिचित इटहरीमा पछिल्लो समय ठुलो लगानीका होटलहरु सञ्चालनमा आउने क्रम बढेको छ । बढ्दो शहरिकरणका बीच ब्यवसाय थपिने क्रम दिनानुदिन बढ्न थालेको हो।
यसैक्रममा इटहरीमा होटलहरुको थपिने क्रम बढि नै रहेको छ। होटलमा लगानी गर्नेहरुको संख्या पनि बढि नै रहेको छ । यसैक्रममा पूर्व पश्चिम राजमार्ग अन्तरगत अन्तरगत इटहरी १७ लविपुरमा एक करोडको लगानीसहित होटल दरबार एण्ड रेष्ट्रो सञ्चालनमा आएको छ।
होटलको शनिबार उद्योग बाणिज्य संघ इटहरीका अध्यक्ष भिमबहादुर पौडेलले रिबन काटेर समुद्घाटन गर्नुभएको छ। भाटभटेनी सुपर मार्केटकै १००मिटर पश्चिममा होटल सञ्चालनमा आएको हो।
आन्तरिक पर्यटकहरूलाई नेपाली खानाको स्वाद चखाउन तथा चिकेनका पारखिहरुलाई मध्यनजर गर्दै होटल सञ्चालनमा ल्याएको सञ्चालक नगेन्द्र बहादुर राईले बताउनुभयो। होटलमा मच्छिन्द्र राई र राज राईको पनि लगानी छ । होटलमा नेपाली परिकारका मौलिक खाना सँगै तन्दुरीका आइटमहरु राखिएको छ ।
उद्घाटन कार्यक्रममा कार्यक्रमका प्रमुख उद्योग वाणिज्य संघ इटहरीका अध्यक्ष भिम पौडेलले इटहरीमा आन्तरीक पर्यटकहरुलाई सेवा प्रदान गर्न खोलिएका होटलहरुकै कारण शहरको सान बढेर गएको बताउनुभयो । उहाँले कोरोना कहरका बीच होटलहरु धरासायी बनिरहेको अवस्थामा चुनौति मौल्दै करोडौ लगानी गरी होटल सञ्चालन गर्नु शहरको लागि पनि गौरवको बिषय रहेको बताउनुभयो ।
कार्यक्रममा होटल तथा लज ब्ययवसायी समिति इटहरीका अध्यक्ष उमेश दाहाल, होटल ब्यवसायी महासंघ प्रदेश नं एकका उपाध्यक्ष गोविन्द थापालगायतले सुभकामना मन्तब्य राख्नुभयो ।