सुनसरी/ प्रहरीले सुनसरी र झापाबाट लागुऔषधसहित पाँचजनालाई नियन्त्रणमा लिएको छ। प्रहरीले सुनसरीको बराहक्षेत्र ८ शेरे चौकबाट दुईजना र झापाको कमल गाउँपालिका ५बाट तीनजनालाई नियन्त्रणमा लिएको हो।
सुनसरीको बराहक्षेत्र ८ शेरे चौकबाट बराहक्षेत्र ७ पिपलगाछीका २१ बर्षीय अनिल धामी र धरान १७ का २२बर्षीय बिशाल भुजेल पक्राउ परेका हुन्। धामी र भुजेललाई ईलाका प्रहरी कार्यालय महेन्द्रनगरबाट खटिएको प्रहरी टोलीले पक्राउ गरेको हो।
पक्राउ परेकाहरुको साथबाट DIAZALAB- ११, एम्पुल, AVIL- ११ एम्पुल र LUPIGESIC-११ एम्पुल लागुऔषध बरामद गरिएको महेन्द्र नगर प्रहरीले जनाएको छ। प्रहरीले धामी र थापा सवार को ६ प २०२७ नम्बरको पल्सर मोटरसाईकलसमेत नियन्त्रणमा लिई थप अनुसन्धान गरिरहेको जनाएको छ।
यसैगरी झापा प्रहरीले कमल गाउँपालिका ५ स्थित पाडाजुंगी गौरीगञ्ज सडकखण्डबाट खैरोहिरोईन (ब्राउनसुगर) सहित झापा खयरवारीका २१ बर्षीय सेरा अली सोही ठाउँका २३ बर्षीय अन्नत प्रसाद गणेश र कमल गाउँपपालिका ५ का २०बर्षीय दिपेश थापालाई आईतबार(हिजो) बेलुका ५ बजे पक्राउ पक्राउ गरेको हो। 
मोटरसाईकलमा सवार तीनैजनालाई नियन्त्रणमा लिई चेकजाँच गर्दा उनिहरुको साथबाट प्लाष्टिकको पोकामा लुकाई छिपाई राखिएको २८ ग्राम ९७ मिलिग्राम ब्राउनसुगर फेला पारी बरामद गरिएको हो । 
पक्राउ परेकाहरुको साथबाट नगद ६ हजार रुपैया, दुईवटा मोबाईल र उनिहरु सवार बा ४४ प ९७८५ र मे ११ प ६५४६ नम्बरका दुईटा पल्सर मोटरसाईकल समेत नियन्त्रणमा लिई थप अनुसन्धान गरिरहेको प्रहरीको भनाई छ।
