इटहरी/ शुक्रबारपनि देशका बिभिन्न ठाउँमा बर्षा हुने भएको मौसम पूर्वानुमान महाशाखाले जनाएको छ। आगामी २४ घण्टामा प्रदेश १, २, बाग्मती, प्रदेश ५ र गण्डकी प्रदेशका १/२ ठाउँमा बर्षा हुने महाशाखाले जनाएको छ।
ती क्षेत्रहरुका नदीमा पानीको बहाव बढ्ने, पहिरो जाने, सडक यातायात प्रभावित हुने सम्भावना रहेकाले आवश्यक सतर्कता अपनाउनसमेत मौसमविद्ले अनुरोध गरेका छन्।
त्यस्तै, भोलि सुदूरपश्चिम प्रदेशमा सामान्य बदली रही बाँकी प्रदेशहरुमा पूर्ण बदली रहनेछ। प्रदेश १, प्रदेश २, बागमती, गण्डकी प्रदेश र प्रदेश ५ का धेरै स्थानमा साथै कर्णाली र सुदूरपश्चिम प्रदेशका केही स्थानमा हल्कादेखि मध्यम बर्षाको सम्भावना रहेको महाशाखाले जनाएको छ।
महाशाखाका अनुसार शनिबार बाग्मती, गण्डकी प्रदेश र प्रदेश ५ का १÷२ स्थानमा भारी वर्षाको सम्भावना छ। त्यस्तै, आइतबार सुदूरपश्चिम तथा कर्णाली प्रदेशमा सामान्य बदली रही बाँकी प्रदेशहरुमा पूर्ण बदली रहने छ।
प्रदेश १, प्रदेश २, बाग्मती, गण्डकी प्रदेश र प्रदेश ५ का धेरै स्थानमा साथै कर्णाली र सुदूरपश्चिम प्रदेशका थोरै स्थानहरूमा हल्कादेखि मध्यम बर्षाको सम्भावना रहेको महाशाखाले जनाएको छ। प्रदेश १, बाग्मती, गण्डकी प्रदेश र प्रदेश ५ का १र२ स्थानमा भारी बर्षाको सम्भावना रहेको छ।
यसैबीच प्रदेश एकको इटहरीमा पनि करिव एक घण्टादेखि हल्का बर्षा भईरहेको छ।
