काठमाण्डौ / नेपाल कम्युनिष्ट पार्टी(नेकपा)का स्थायी कमिटी सदस्य भीम रावलले प्रधानमन्त्री केपी शर्मा ओलीलाई गम्भीर आरोप लगाउनुभएको छ।

रावलले प्रधानमन्त्री एव पार्टी अध्यक्ष ओलीले विधान मिचेको र चाहिनेभन्दा नचाहिने काम बढी गरेको आरोप लगाउनुभएको हो।

रावलले प्रधानमन्त्री नहुँदै अध्यक्ष ओलीले कूटनीतिक मर्यादा मिचेर भारतीय मन्त्री सुश्मा स्वराजलाई भेटेको, सोल्टी होटलमा ‘होली वाइन’ कान्ड मच्चाएको, देशको विरुद्ध बोल्ने सीके राउतको भब्य समारोहबीच भित्र्याएको लगायतका कार्यहरु पार्टीको नीति विपरित रहेको रावलको भनाइ छ।

अहिले सभामुख चयन प्रक्रियामा देखिएको मतभेद दुईजना अध्यक्षबीचका कारण भएको उहाँको आरोप छ। उहाँले भन्नुभयो, ‘नेकपा दुईजना अध्यक्षको मात्र निजी हो रु’

रावलले अध्यक्ष ओलीका धेरै कमजोरीहरुका कारण पार्टीलाई क्षति पुगेको पनि बताउनुभयो। पार्टी एकलौटी रुपमा चलाएको आरोप पनि उहाँले लगाउनुभयो।

पार्टीका गलत गतिविधिप्रति निरन्तर आवाज उठाउँदै आउनुभएका रावलले पछिल्लो समय एमसीसी सम्झौताको ओअनी डटेर बिरोध गरिरहनुभएको छ।

केहिदिन अगाडी प्रधानमन्त्री निवासबाट नै ज्यान मार्ने धम्की आएको रावलले खुलासा गर्नुभएको थियो।

यधपी प्रधानमन्त्री ओली र सरकारका प्रवक्ता बास्कोटाले रावलले झुट बोलेको र ज्यान मार्ने धम्की नआएको बताउनुभएको थियो। - एजेन्सी